Azərbaycan İsraildən İranda azərbaycanlıların yaşadığı əraziləri hədəfə almamağı xahiş edib

Azərbaycan tərəfi İsraildən İranda azərbaycanlıların yaşadığı bölgələrdə hərbi əməliyyatlar zamanı mülki əhalinin və infrastrukturun qorunması üçün ehtiyatlı davranmağı və mümkün qədər bu ərazilərdən yayınmağı bir daha xahiş edib. Bu barədə Anews.az-a diplomatik mənbələrdən məlumat daxil olub.

"Bu çağırış İsrail tərəfinə müxtəlif kanallar vasitəsilə çatdırılıb. Xüsusilə Ərdəbildəki hərbi obyektlərə endirilən zərbələrdən sonra Bakı mülki təhlükəsizlik baxımından narahatlığını artırıb",  -  mənbə  bildirib. 

Azərbaycan artıq bir neçə gün əvvəl də İsrailə oxşar məzmunlu xəbərdarlıq göndərib.

İsrail və İran arasında iyunun 13-də başlayan qarşıdurma nəticəsində hər iki tərəfdə mülki obyektlər zərər dəyib.

Azərbaycanlıların yaşadığı bölgələrə endirilən zərbələr isə yerli əhali arasında insan tələfatı və infrastruktur itkiləri riskini artırır.

N.Təbrizli