Tbilisidə etiraz aksiyaları keçirilir

Gürcüstanın paytaxtı Tbilisidə minlərlə insan bazar ertəsi parlament binası önündə hökumətə qarşı etiraz aksiyasına çıxıb. Aksiya iştirakçıları müxalif liderlərin azad olunmasını və Avropa İttifaqı ilə danışıqların bərpasını tələb ediblər.

“Planımız birlikdir — sabah da, birisi gün də, nəticə əldə edənədək etiraz edəcəyik”,  -  sabiq prezident Salome Zurabişvili etirazları dəstəkləyərək bildirib.

Hökumət nümayəndələri etirazçıları “xarici qüvvələrə” dəstəkdə və “inqilabi çağırışlar”da ittiham ediblər.

Rustaveli prospekti bağlanıb, ərazidə polis nəzarəti gücləndirilib.

Gürcüstanda etirazlar 2024-cü ilin noyabrından — hökumətin Aİ ilə danışıqları dayandırmasından sonra başlayıb.

N.Təbrizli