Suriyada parlament seçkilərinin ilkin nəticələri açıqlanıb

Suriyada parlament seçkilərinin ilkin nəticələri açıqlanıb.Bu barədə "Al Jazeera" məlumat yayıb.

Parlament Seçkiləri üzrə Ali Komitənin nümayəndəsi Nəvvər Nəcmə nəticələri açıqlayıb.

İlkin nəticələrə görə, parlamentə 119 qanunverici seçilib, lakin onların aldığı səslərin sayı dəqiqləşdirilməyib.

"Reuters"in seçki müşahidəçilərinə istinadən verdiyi məlumata görə, yeni qanunvericilərdən 6 nəfəri qadındır. Qeyd edilir ki, cəmi 10 yer dini və etnik azlıqlara, o cümlədən kürdlərə, xristianlara və ələvilərə verilib.

Bu, Suriyada keçmiş dövlət başçısı Bəşər Əsədin devrilməsindən və Əhməd əl-Şaraanın hakimiyyətə gəlişindən sonra keçirilən ilk parlament seçkiləridir.