İKT.lent.az-ın "ixbt.com” saytına istinadən məlumata görə, buna səbəb il ərzində 182,3 milyon ədəd cihazın tədarük edilməsidir. 

Analitiklər qeyd ediblər ki, planşet bazarı 2018-ci ildə yenidən artıma qayıdacaq, ancaq bu artım o qədər də böyük olmayacaq. Bu isə klaviaturalı modellərin populyarlığı ilə bağlı olacaq.

İDC-nin hesablamalarına görə, 7-9 düym ölçülü ekrana malik planşetlər daha populyar olaraq qalır. Misal üçün, ekranın ölçüsü 8,4 düym olan "Huawei MediaPad M3” kimi planşetlər. Ancaq onların da payı mütəmadi olaraq azalır. Ötən il belə modellərin payı 59,9 faizə bərabər olub. Bu il isə bu rəqəm 56,4 faiz təşkil edir. Tendensiya saxlanılsa, qeyd edilən ölçülü ekranlı planşetlərin payı 2020-ci ildə 39,7 faiz təşkil edəcək.

9-13 düym ölçülü ekranlı planşetlərin tədarükü bir il ərzində 39,8 faizdən 43,1 faizə qədər artıb. 2020-ci ilə isə bu rəqəm 58,2 faizə qədər arta bilər.

13-16 düym ölçülü ekranlı planşetlərin də payı artacaq, ancaq bu rəqəm o qədər də böyük deyil. Ötən il belə planşetlərin payı ümumi tədarükün 0,3 faizini təşkil edib. Bu il isə bu rəqəm 0,5 faiz olub. İDC-in proqnozlarına görə, 2020-ci ildə bu göstərici 2,1 faizə qədər artacaq.