Eyni zamanda, İrana qaşrı sanksiyaların götürülməsi və bu ölkə neftinin 2016-cı ildə dünya bazarına çıxarılması da enerji daşıyıcılarının qiymətlərində kəskin azalma baş verəcəyini istisna etmir.

2015-ci ildə buna uyğun olaraq Azərbaycan manatı iki dəfə devalvasiyaya uğradı və milli valyutaları kəskin ucuzlaşan ölkələr siyahısında liderlik əldə etdi. Azərbaycan manatı bu il 98 faiz devalvasiyaya məruz qaldı.

21 dekabr devalvasiyasından sonra isə artıq bir sıra ərzaq və qeyri-ərzaq məhsullarında artımlar müşahidə edilir. Qiymətlərin qısa müddətdə bu car qalxmasının digər sahələrə də sirayət edəcəyi qaçılmazdır. Bu səbəbdən ölkədə təhsil haqlarının artacağı barədə artıq indidən məlumatlar yayılmağa başlayıb. Onsuz da ölkədə təhsil haqları yüksəkdir və bir qədər də qaldırılması istedadlı gənclərin təhsilinə mane törədə bilər.

Azərbaycan Təhsil Şurasının sədri Əjdər Ağayev Modern.az-a bildirib ki, ölkədə baş verən bütün hadisələr bir-biri ilə bağlıdır və bir məhsulda qiymət artımı digərlərində də dəyişikliyə təsir göstərir. 

"Ən sadə və ucuz məhsulun qiyməti artırsa, bu, məktəbin də xərclərinin çoxalmasına təsir edir. Buna əsasən demək olar ki, gələn il təhsil haqlarının artırılması gözləniləndir. Məncə, bu, ümumi gedən prosesin içindədir. Burada məntiqi əlaqələr var”.

Əjdər Ağayev qeyd edib ki, ali məktəblər öz layihələri əsasında gəlir əldə edib, digər maddi baza yaradaraq ondan istifadə etsələr, daha yaxşı olar: "Bunun alınacağını güman etmirəm. İndiki çətin şəraitində vaxtilə qəyyumluq edən, müəyyən vəsait qoyan mənbələrin özünün də imkanı olmaya bilər. Buna görə də ali təhsil müəssisələrində ödəniş haqqı artırıla bilər”.