Qərargahın #evdəqal çağırışına riayət edən vətəndaşlar isə
hökumət tərəfindən maddi dəstək gözləyir. Bəs evdə qalan vətəndaşlara
necə dəstək olunmalıdır? Anews.az mövzu ilə bağlı bir neçə ekspertlərin fikirlərini
alıb.
Müstəqil ekspert Rəna Səfərəliyevanın sözlərinə görə, pul kompensasiyası verməkdənsə əsgər və polis əməkdaşları evlərə ərzaq paylasa daha yaxşı olar.
"Bildiyim qədər bu məsələ
müzakirə olunur və minimal əmək haqqı qədər yəni adambaşına 250 manatın ödəniləcəyi düşünülür.
Biz vətəndaş cəmiyyəti olaraq kampaniya qaldırmalıyıq ki, kimin imkanı varsa o
pulu götürməsin. Kasıb millətin bank kartları yoxdur və bu pulu
almaq üçün banklarda növbə gözləməyə dəyməz. Ona görə ordu və polis evlərə ərzaq
paylasa daha yaxşı olar", – deyə o, bildirib.
İqtisadi ekspert Pərviz Heydərovun
fikrincə isə, ölkədə pul var, sadəcə onu kimə və necə verilməsi dəqiq müəyyən
olunmalıdır.
Prezidentin sərəncamı ilə cari ilin dövlət büdcəsindən Nazirlər Kabinetinə 1 milyard manat vəsait ayrılıb. Ölkəmizin böyük maliyyə ehtiyatları olduğundan, bundan da artıq vəsait ayırmaq mümkündür.
Hesab edirəm ki, böhranın zərbə
vurduğu sahələr üzrə birincisi, işçilərin aylıq əmək haqqlarının ödənilməsinin
qayğısına qalınmalı, ikincisi, sahibkarların aylıq kredit və ipoteka ödənişləri
üzrə 3 aylıq moratorium qoyulmalı və başqa növ güzəştlər edilməli, üçüncüsü,
turizm, mehmanxana, ictimai-iaşə obyektləri, kafe və restoranlar, ticarət mərkəzləri,
nəqliyyat və sair sahələrində fəailiyyət göstərən sahibkarlar üçün II rüb ərzində
müvafiq vergi tətili elan olunmalı, dördüncüsü, idxal və ixrac əməliyyatları ilə
məşğul olan işgüzar fəaliyyətlə məşğul hüquqi və fiziki şəxslərə gömrük
rüsumları sahəsində ciddi güzəştlər edilməli, beşincisi isə, xırda və orta kənd
təsərrüfatı məhsulları istehsalçılarına qarşıdakı 3 ay əzində hər ay üzrə
subsidiya verilməlidir.
Bizdə isə əhalinin gündəlik qazanca işləyən hissəsi nə qədərdir, o cümlədən vətəndaşların gəlirləri və çıxarı kifayət qədər məlum deyil. Nə olsun ki, cəmi 10 milyonuq... Əksəriyyətin konkret olaraq nə işlə məşğul olduğu bilinmir. Taksovatlıq edənə vaxtında lisenziya təklif olunur, imtina edir... 5-10 manat əlavə gəlirə görə əmək müqavilələrinin bağlanmasından yan keçilir. Həyətində bir-iki şey əkib-becərən, qeydiyyata alınmaqdan vaz keçir. Sığortalanmağa barmaqarası baxırıq.
Fəlakət ortaya çıxanda, faciə
yarandıqda isə hamı dövlətdən yardım istəyir. Bu da ölkədə uçot işi və
hesabatlılıq bərbad vəziyyətdə olduğundan böyük
çətinliklər doğurur.
Deputat Tahir Rzayevin sözlərinə görə isə "hökumət
bu barədə bəzi tədbirlər müəyyənləşdirib. Nazirlər Kabinetində hal-hazırda
araşdırmalar aparılır. Maddi vəziyyəti aşağı olan insanlara təminat ödəniləcək.
Müəyyən insanlara bəzi güzəştlər olunacağı gözlənilir. Bu mövzu ilk gündən səsləndirilib
ki, bu sahədə sahibkarlar əziyyət çəkəcəklər. Buna görə bu kompensasiya onlara
ödənməlidir.
Günə muzdlu işləyən insanlar üçün də
tələblər hazırda Nazirlər Kabinetində tələblər müəyyən edilir"- deyə o qeyd edib.
www.anews.az
Bizi sosial şəbəkələrdə izləyin !
