Bu gün səhər saatlarında Göyçay rayon Məhkəməsinin sədri Fərhad Əfəndiyev qəfil vəfat edib. Lent.az xəbər verir ki, məhkəmə sədri səhər işə gəlmək üçün evdən çıxarkən halı qəfil pisləşib. Təcili tibbi yardım briqadası gəlsə də, artıq gec olub və 59 yaşlı məhkəmə sədri vəfat edib.
 
İlkin məlumata görə, F.Əfəndiyev ürək tutmasından vəfat edib.
 
Qeyd edək ki, F.Əfəndiyev daha əvvəl Bakı Şəhər Prokurorluğunda mətbuat xidməti üzrə aparıcı mütəxəssis, Gəncə şəhəri Kəpəz rayon Məhkəməsinin hakimi, Mingəçevir şəhər Məhkəməsinin sədri vəzifələrini tutub. O, 2012-ci ildən Göyçay rayon Məhkəməsinin sədri idi.
 

www.anews.az