Tahir Rzayev: Xəzərdə balıq ehtiyatlarının qorunmasına diqqət artırılmalıdır

Xəzər dənizində balıq ehtiyatlarının qorunması, qeyri-qanuni balıq ovunun aradan qaldırılması və nəzarət mexanizmlərinin gücləndirilməsi vacibdir. Bunu deputat Tahir Rzayev balıqçılıq və akvakultura sahəsinə həsr olunmuş forumda çıxışı zamanı deyib.

O bildirib ki, qarşıya qoyulan vəzifələr böyük məsuliyyət tələb edir və Xəzər dənizinin balıq ehtiyatlarının qorunmasına xüsusi diqqət yetirilməlidir.

Tahir Rzayev qeyd edib ki, balıqçılıq və akvakultura sahəsində mövcud çətinliklər aydın görünür. Bununla belə, Kənd Təsərrüfatı Nazirliyinin nəzdində müvafiq mərkəzin yaradılması və son dövrdə həyata keçirilən tədbirlər sahənin inkişafı üçün yeni imkanlar açıb.

Tahir Rzayev bildirib ki, akvakultura sahəsinin inkişafı üçün beynəlxalq təcrübədən yararlanmaq, mövcud imkanları qiymətləndirmək və yeni inkişaf yolları axtarmaq lazımdır.