ANN.Az xarici ölkə mediasına istinadən xəbər verir ki, ABŞ Mərkəzi Kəşfiyyat İdarəsi (Central Intelligence Agency - CİA) 2011-ci ildə Pakistandakı evində hücum edilərək öldürülən və daha sonra evdə ələ keçirilən sənədlərin bəzilərini yayımlayıb. Yazılı və görüntü halda olan 100-ə qədər sənəd  Bin Ladenin həyatından, onun keçirdiyi görüşlərdən, dünyagörüşündən, qirətindən  bəhs edir. 

Terror təşkilatının lideri məktublarının birində "ərəb baharı" hadisələrinə münasibət bildirərkən "çox böyük və möhtəşəm" ifadələrini işlədib. O, eyni zamanda müəyyən proqnozlarını da dilə gətirib. Bin Ladenə görə, bu hərəkat bütün islam ölkələrinə öz təsirini birbaşa və dolayısı ilə göstərəcək. O, tərəfdarlarına, müsəlman xalqlara tiranlara, diktatorlara qarşı üsyana qalxma məsləhətini verməklə bərabər bunu "dini baxımdan vacib" hesab edib. 

Amerika xalqına məktub yazan Bin Laden öz daxili mübarizələrində uğur əldə edə bilməyəcəklərini vurğulayıb: "Tarixdəki ən uzun və bahalı mübarizənizi bizə sərf etdiniz, amma bu mübarizədə yolun yarısını belə keçməmisiniz".

O, ağıllı adamların bu mübarizədə qalib tərəfin olmayacağını bildiyini xatırladıb və deyib ki, müsəlmanların Amerika xalqı ilə mübarizəsi bir "ibadət"dir.

CİA-nın açıqladığı sənədlər içərisində onun arvadlarına yazdığı eşq məktibları da maraq doğurub. Qadınlarından birinə ünvanlandığı məktubda deyilir: "Sevimli xanımım, göz bəbəyim, qəlbimi eşqlə, sevinci anlarla dolduran mələyim. Nə vaxt sən yadıma düşürsənsə, gözlərim yaşla dolur, bu dunyada başıma gələn ən dəyərli varlığın sən olduğunu anlayıram". Daha sonra çoxarvadlı olmasına rəğmən bundan sonra evlənməyəcəyinə dair vəd verir: "Səndən sonra bir daha evlənməyəcəyəm, sənin kimi bir qadını tapa bilmərəm, Alah bizi bu dünyada təkrar bir araya gətirənə qədər cihad yolunda döyüşəcəyəm. Bu dünyada görüşmək mümkün olmasa da, o biri dünyada mütləq görüşəcəyik".

Bin Laden eyni zamanda sevimli arvadına öldürüləcəyi təqdirdə ailəsinin yanına dönməsini, uşaqlarının yüksək səviyyədə yetişdirilməsini vəsiyyət edir: "Məndən sonra evlənmək istəsən, bil ki, buna qarşı deyiləm. Amma cənnətdə də sənin mənim arvadım olmağını istəyirəm".

Bin Laden eyni zamanda digər arvadlarına, yaxın qohumlarına və dostlarına da məktublar yazmış, onların təhlükəsizliyi, vəziyyətləri ilə maraqlanmışdır.

Bin Ladenin öldürüldüyü evdə çoxu sayda təşkilata üzvlüklə bağlı formalar aşkar edilib. Həmin sorğu formalarında əsasən bu suallara cavablar tələb olunub: "Kamikadzelik edə bilərsənmi? Şəhid olduğun təqdirdə kimə xəbər verməyimizi istəyərsən? Cihad torpaqlarına qovuşmaq üçün müəyyən etdiyin tarix hansıdır? Hər hansı ailə üzvünüz, yaxud yaxın dostun dövlət strukturlarında çalışırmı?  və s."

Əl Qaidə liderinin ələ keçən kitabxanası da xeyli təəccüb və maraq yaradıb. Ələ keçən kitabların təxmini siyahısı belədir: 

Noam Chomsky - "Vacib illuziyalar, demokratik cəmiyyətlərdə düşüncəyə nəzarət" və "Hegemoniya və mövcud olmaq: Amerikanın qlobal hakimiyyət axtarışı"

Bob Woodward - "Obamanın müharibələri"

Paul Kennedy - "Böyük güçlərin yüksəlişi və çöküşü" 

David Griffin - "Yeni Pearl Harbor: Bush idarəçiliyinə dair narahat suallar və 11 sentyabr hücumu"

Willard Matthias "Amerikanın strateji xətaları", 

Michel Chossudovsky - "Amerikanın terrorizmlə mübarizəsi

Hanna Rogan - "Əl Qaidənin Online Media strategiyası", 

Greg Palast - "Pulun satınala biləcəyi ən yaxşı demokratiya"

Dini kitablara gəlincə, belə bir siyahı ilə qarşılaşmaq mümkündür:

"İslamı anlamaq üçün qısa xülasə" (I. A. Ibrahim), "İspanyada 756-1031-ci illər arasında xristianlıq və islam" (C. R. Haines), "Müasir Demokratik İslam: Ortaqlar, Qaynaqlar və Strategiyalar" (Cheryl Benard).

Bin Ladinin kitabxanasında "Delta Force: Xtreme-2" adlı video oyunun olduğu da qeydə alınıb.