UNİCEF Azərbaycanla bağlı yeni proqram qəbul etdi

UNİCEF-in İdarə Heyətinin bu il ilk sessiyası keçirilib.

APA-nın xəbərinə görə, sessiyada humanitar tədbirlərin inteqrasiya edilməsi və iqlim dəyişikliyinin təsirlərinin zəiflədilməsi ilə bağlı məsələlər müzakirə edilib.

 

UNİCEF İdarə Heyətinin yeni seçilmiş prezidenti, Estoniyanın BMT-dəki daimi nümayəndəsi Sven Jürgenson 2015-ci ildə əldə edilmiş nailiyyətləri qeyd edib. "Bu nailiyyətlərə Davamlı İnkişaf Məqsədləri və İqlim dəyişikliyinə dair Paris razılaşmaları daxildir”, - deyə o vurğulayıb.

 

S. Jürgenson bildirib ki, bu nailiyyətlərə baxmayaraq, "dondurulmuş” münaqişələr və təbii fəlakətlər inkişaf proseslərə maneə olub.

 

Sessiya çərçivəsində İdarə Heyəti Azərbaycan da daxil olmaqla, 7 ölkə üçün proqram sənədlərini təsdiqləyib.

 

Qeyd edək ki, 3 günlük sessiya zamanı İdarə Heyəti UNİCEF-in 2014-cü il üçün maliyyə hesabatını, audit bəyanatlarını, Auditorlar Heyətinin hesabatını və büdcəni nəzərdən keçirəcək.