• $
  • €
  • ₽
  • ₺
  • £

İki təkər üstündə böyüyən ümidlər...

İki təkər üstündə böyüyən ümidlər...
18.04.2016 16:10

İlkin Əmiraslanzadənin xatirəsinə...
 
Bir gün, cəmi bircə gün gecikmək ümidləri iki təkər üstündə böyüyən həyat dolu insana. Bu yazını düşünmürdüm ki, belə kədər dolu notlarla başlayaram. O, iki təkər üstündə elə sürətlə uzaqlaşdı ki bizdən.
 
Bu gün sizinlə mələk kimi saf, təmiz, 21 yaşında yeriyən oturacağa məhkum, həyat dolu gəncin hekayəsini bölüşməliydim. Əli-ayağı tutan, lakin həyata tutuna bilməyən insanlara örnək olsun deyə düşünmüşdüm bu yazını. Nə qədər suallarım vardı ona ünvanlayacağım. Alacağım cavabların bir çoxlarının həyatında qığılcım yaradacağından əmin idim. Gəl gör ki..
 
Onunla bir həftə bundan qabaq sözləşmişdik, mənə müsahibə verməliydi...
 
İlkinlə son dəfə danışanda ondan müsahibə almaq istədiyimi bildirdim. Razı oldu. Lakin işlərimin çoxluğu, bir az da tənbəlliyim ucbatından sualları hazırlmağı bu günə saxladım. Bu gün İlkinə yazıb göndərəcəkdim.  Dünən gecə aldığım xəbər məni elə sarsıtdı ki...
 
Sözü gedən mələk ötən gün gecə saatlarında vaxtsız, səssiz, mənə bir xəbər belə etmədən uçub gedib... "Kaş ki, kaş ki gecikməzdim” dedim. Facebookda aktiv gördüm profilini. Düşündüm ki, bəlkə İlkin bizlə zarafat edir. Çünki ölümündən bir neçə gün öncə şikayət etmişdi dostlarının ona az diqqət ayırmasından. Həmin an mesaj yazdım: "İlkin, bu sənsən düzdü? Sənin yoxluğuna kim necə reaksiya verəcək deyə belə bir şey etmisən. İlkin, bizlə zarafat edirsən, hə? Əgər salamtsansa, cavab ver”. Mesajıma xalası qızı cavab yazdı. "İlkin bu gün dəfn edildi..”
 
Niyə yaxşılar bir-bir köçüb gedir?! Məncə, dünya o qədər çirkaba batıb ki, onlar bu çuxura daha çox düşməsinlər deyə qanad açıb göylərə qalxmağa qərar verirlər.
 
Öləcəyini hiss edibmiş...
 
Nə qəribədir,  son vaxtlar tez-tez üzləşirəm bu halla. Öləcəyini kimsə öncədən bilib, sosial şəbəkələrdə bu barədə nəsə  yazıb, falan-filan. Amma İlkin bu cür etmədi. Öz şəklini düzəldib, altına da bu sözləri yazıb: "Həyatı sevməmək üçün çox səbəbim var, amma səbəblər həyatı yaşamağa və insanları sevməyə mane ola bilməz..” Anasına tapşırıb ki, mən ölsəm bu şəkli məzar daşıma vurarsınız. "Məni Bakıda basdırın. Pullu, bahalı yerdən qəbrim olsun. Hamı desin, İlkinin qəbri bahalıdı..”
 
İlkin niyə bu qənaətə gəlmişdi? Bunun cavabını indi ağlımda qalan cavabsız suallar kimi müsahibimdən ala bilməyəcəm. Amma ailəsinin "bahalı qəbrə” imkanı çatmadığı üçün onu Şabranda dəfn etməli olublar.
 
İlkin Əmiraslanzadə meopatiyadan (əzələ distrofiyası) əziyyət çəkirdi. Onunla Bakı Slavyan Universitetində fiziki məhdudiyyətli istedadlı gənclərə həsr edilmiş "Görülməyən dünya” filminin təqdimatında tanış olmuşdum. İlk görüşdən anlamışdım, o bir çoxlarımıza örnək olunası gənc idi. Onun kimi orada olan iki təkərə məhkum neçə gənc kimi...
 
Dünyanızın görülməyən tərəfində nələr qalır, kimin sizin işığınıza ehtiyacı var bu gün? Bir gözdən keçirin. Əks halda mənim kimi müashibiniz olmadan öz-özünüzə danışası olacaqsınız. Onlar da bizdən biri deyilmi? Qoy hər ürək döyünsün...
 
Yazımın bu yerində müsahibim mənə, mən də ona uğurlar arzu edib, gələn görüşlərdək deməli idim. İlkinlə gələn görüşlərin olmayacağı üçün burdan oxucularıma deməliyəm: ”Həmişə saf, günahsız qaldın yadımda.
 
Bağışla məni. Mələk üzlü müsahibim..”
 
Ətrafımda neçə qəlbi əlil insan var İlkinin ayaqları kimi. Onun ümid dolu gözləri bir çoxlarının qaranlıqda qalan ürəyinə işıq sala bilərdi... O ümidlər iki təkər üstündə qaldı, ayaq açıb yeriyə bilmədi. Qanad açıb bizdən çox yüksəklərə uçmağı bacardı...

Gecikməyin həyata, insanlara, bu günün qayğısını sabaha saxlamayın!
 
Aytəkin Qardaşova








www.ann.az
Youtube
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol