• $
  • €
  • ₽
  • ₺
  • £

Qışa hazırıq?

Qışa hazırıq?
28.10.2016 17:39
Ölkə ərazisində havaların soyuması istilik məsələsini gündəmə gətirib. Evlərini kombi ilə isidənlər çoxdan qış mövsümünə keçsə də, mərkəzi istilik sisteminə qoşulanlar hələ noyabrın 15-ni gözləməlidir. Biz ayın 15-ni gözləmədik, aidiyyəti qurumlarla əlaqə saxlayıb mövsümə hazır olub-olmadıqlarını öyrəndik.

Axı bizim keçənilki kimi acı bir təcrübəmiz var. Yəqin 2015-2016-cı ilin payız-qış mövsümündə mənzillərin istiliklə təchizatənın təxminən 1 aya yaxın gecikməsini unutmamısınız. Səbəb "Azəristiliktəchizat" ASC-nin "Azəriqaz" İstehsalat Birliyinə olan borcu idi.Uzun müzakirələrdən sonra nəhayət problem aradan qaldırılmışdı. Bəs görəsən, bu il də eyni ssenari təkrarlanacaq?

Oktyabrın əvvəlində "Azəriqaz”İB-dən verilən açıqlamada bildirilmişdi ki, 2016-cı ilin 9 ayı ərzində "Azəristiliktəchizat” ASC-nin "Azəriqaz” İstehsalat Birliyi (İB) qarşısında əlavə olaraq 8 mln. 416 min manat həcmində debitor borcu yaranıb.

Qurumdan bildirilmişdi ki, "Azəristiliktəchizat” ASC sərf etdiyi qaz üzrə təxminən 35-38% səviyyəsində ödəniş edir.

Bu rəqəm ötənilki vəziyyətin təkrarlanması qorxusunu verir.

"Azəriqaz” İstehsalat Birliyinin sədri İbrahim Kəlbəliyev Publika.az-a artıq borcla bağlı "Azəristiliktəchizat”a məlumat verilib: "Mövsüm başlayanda qazanxanalar qazın açılması ilə bağlı bizə müraciət edəcək. Hansı qazanxana müraciət edəcəksə, onlara qaz veriləcək. Əlbəttə, ilk növbədə debitor borcu olmayanlara veriləcək. Mövcud borcla bağlı "Azəristiliktəchizat”a borcun ödənilməsi ilə bağlı yazılı olaraq məlumat göndərilib. Bu haqda danışıqlar aparılır”.

Onun sözlərinə görə, may ayından mövsümə hazırlığın başladığını və oktyabrın sonuna qədər tam yekunlaşacaq.

"Bu il mövsüm ərzində qəza halları istisna olmaqla, təbii qazın verilişində çatışmazlığın yaranması gözlənilmir”.

"Azəristiliktəchizat" ASC-nin abonent və müştəri xidmətlərinin rəisi Rafiq Əliyev bütün qazanxana və istilik məntəqələri qışa hazır vəziyyətdədir:
 
"Qazanxana, istilik məntəqələrində təmir-bərpa işləri aparılıb. Magistral məhəllədaxili 1000 km-lik istilik xətləri hidravlik təzyiq verilərək yuyulub, 19 km yenisi ilə əvəz edilib. 3 qazanxana modernləşdirilib, 8 qazanxananın qazlaşdırılması layihəsi həyata keçirilib. Bütün bunlar bizə bu ilki payız-qış mövsümündə 3700-ə yaxın yaşayış binasını, Azəristiliktəchizat” dan istiliklə təmin edilməsi nəzərdə tutulan məktəb, bağça, səhiyyə və digər müəssisələrin istilik təchizatı təmin ediləcək. Noyabr ayının 1-dən dağlıq, 15-dən isə digər ərazilərdə istilik mövsümünə start veriləcək”.

Bu il yenidən borc məsələsinin gecikmələrə səbəb olub-olmayacağına gəldikdə, Rafiq Əliyev elə bir problemin olmadığını dedi: "Problem yaranarsa, o zaman münasibət bildirərik. Əsas odur ki, bütün qazanxanalar mövsümə hazırdır. Borc məsələsinə gəlincə, qazanxana işlədikcə borc yaranır, hər ay da çalışırıq ödəyək. Bu işlə məşğuluq, güman edirəm ki, hər şey yaxşı olacaq”.

Yəqin onu da xatırlayırsınız ki, ötən il də mövsümdən əvvəl qurumlar hər şeyin yaxşı olacağına dair söz vermişdilər. Ümid edək ki, bu dəfə sözlərini tutacaqlar.


www.ann.az
Facebook
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol