BDU doktoranturaya qəbul elan edir

BDU-nun İctimaiyyətlə əlaqələr şöbəsindən ANN.Az-a verilən məlumata görə, doktoranturaya (dissertanturaya) sənədlərin qəbulu 2016-cı ilin 25 noyabr-15 dekabr tarixlərində saat 09:00-17:00-dək hər gün (şənbə və bazar günləri istisna olmaqla) BDU-nun əsas binası, Magistratura və Doktorantura şöbəsində (otaq №237) aparılacaq:

"Fəlsəfə doktoru proqramı üzrə doktoranturaya qəbul imtahanları 19 dekabr 2016-cı ildən 12 yanvar 2017-ci il tarixinədək keçiriləcək. Qəbul qaydaları haqqında ətraflı məlumatı BDU-nun Magistratura və Doktorantura şöbəsindən, eləcə də, internet saytından almaq olar".