Ətin bahalaşması insanları kəllə ətinə keçməyə vadar etdi
09.12.2016 17:52
Bazarlarda, paytaxtın mərkəzində, o cümlədən, ətaraf rayonlarda iribuynuzlu heyvanların kəllə ətinin qiyməti artıb.
ANN.Az-ın əməkdaşları məsələ ilə bağlı bazarlarda kiçik araşdırma aparıb. Satıcıların sözlərinə görə, heyvanın digər üzvlərinin (bir kq təxminən, 10 manat) bahalaşması səbəbindən insanlar daha çox baş ətinə üstünlük verir. Lakin araşdırmalarımız nəticəsində aydın oldu ki, iribuynuzlu heyvanların baş ətində də qiymət artımıdır:
"Malın baş ətinin qiyməti artıq bahalaşıb. Çünki qəssablar və heyvan saxlayanlar qiymətləri qaldırıblar. Mal ətinin qiyməti bahalaşdığı üçün kəllə ətinə təlabat artıb. Bir çoxlarının ət almağa pulu çatmadığından, onlar heyvanın müxtəlif hissələrini almağı üstün tutur”.
Bunu əməkdaşımızla söhbətində Xırdalan şəhərindəki bazarda çalışan qəssab Elçin Süleymanov deyib.
Onun sözlərinə görə, ət qiymətlərinə həm də rayonlardan Bakıya gətirilən ətlərin baha olması təsir edir:
"Bu, əsasən, Gürcüstandan Azərbaycana daxil olan xırda buynuzlu mal-qarada özünü göstərir. Cəmiyyətə təqdim olunan şərtlər əhalinin ət təlabatını ödəyə bilmir”.
Ev heyvanları saxlayan insanlar da çətin vəziyyətdə qalıblar. Şəhər sakini Müşfiq Məmmədov 2 il əvvəl it və pişik saxlamağa başlayıb. Ancaq o, bu yaxınlarda işdən çıxıb. Heyvanları saxlamağa maddi imkanı olmasa da, heyvanları ilə də ayrılmaq istəmir:
"İndi mən çox çətliklə dolanıram. Ev heyvanlarının yemlənməsinin özünəməxsus çətinlikləri var. Bir ay bundan əvvəl 2,5 manata aldığım kəllə ətinin kilosu indi 4 manatdır. Ona görə də, mən onları toyuq ayaqları və bağazı ilə yemləmək məcburiyyətindəyəm. Ancaq onların qiyməti də artıb. Baxmayaraq ki, öz heyvanlarıma çox öyrəşmişəm, ancaq belə getsə, itimi kiməsə verməyə məcbur olacam”.
Azərbaycan Kənd Təsərrüfatı Nazirliyi yanında Baytarlıq Nəzarəti Dövlət Xidmətinin mətbuat katibi Yolçu Xanvəli ANN.Az-a bildirib ki, iri və xırdabuynuzlu mal-qara Azərbaycana əsasən, Rusiya və Ukraynadan gətirilir.
Azərbaycana daxil olan ət idxalının həcmini öyrənmək üçün Azərbaycan Statistika Komitəsinə müracət etsək də, suallarımıza cavab ala bilmədik.
Vüsal Əzizov
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 15:31
Azercell-in “Oflayn Qadınlar” layihəsi iki beynəlxalq festivalda beş mükafat qazanıb
Son xəbərlər 
Daha çox 
Foto
Video
