Bakıda evə basqın edən şəxs tutulub
01.04.2017 16:00
Bakıda 3 nəfər maskalı şəxs evə daxil olub ata, ana və oğlunun əllərini bağlayaraq evdən pul və qızıl əşyaları aparıblar.
Daxili İşlər Nazirliyinin mətbuat xidmətindən Oxu.Az-a verilən məlumata görə, ötən il oktyabrın 29-da naməlum şəxslər Qaradağ rayonunun Lökbatan qəsəbəsində yaşayan Həsənxan Salmanovun, arvadı Səməndərin və oğlu Bəxtiyarın əllərini yapışqanlı lentlə bağlayıb, baş nahiyələrinə küt alətlə xəsarət yetirməklə evdən quldurluq yolu ilə 2400 manat pul, 1000 manat dəyərində qızıl əşyalar və 2 mobil telefon aparıblar.
Bakı Şəhər Baş Polis İdarəsinin Cinayət Axtarışı İdarəsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini, əvvəllər məhkum olunmuş Bəhruz Muxtarov tutulub, daha 2 nəfər isə müəyyən edilib.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
