Baş redaktor məhkəmə qarşısında

Anews.az-ın məlumatına görə, ötən ilin iyun ayında Bakı və regionlardan daxil olmuş ərizələrə əsasən, Dövlət Təhlükəsizliyi Xidmətində (DTX) aparılan araşdırmalar nəticəsində "İrəvan Press”  qəzetinin və informasiya saytının baş redaktoru Azər Abbasov xidmətə dəvət olunaraq, hədə-qorxu yolu ilə tələb etmə cinayət əməlində ittiham olunaraq saxlanılıb. 

Onun barəsində Səbail rayon Məhkəməsi tərəfindən həbs-qətimkan tədbiri seçilib. 

İttiham aktına əsasən, A.Abbasov vətəndaşlardan hədə-qorxu ilə pul tələb etməkdə təqsirləndirilir.  

Hazırlıq iclasında təqsirləndirilən şəxsin anket məlumatları dəqiqləşdirilib.

İş üzrə baxış mayın 18-nə təyin edilib.