Azərbaycanda zəhərlənən 20 nəfərlə bağlı SON XƏBƏR
12.06.2018 11:25
Saatlı rayonunda pambıq tarlasında kimyəvi dərmandan zəhərlənərək xəstəxanaya yerləşdirilən 20 nəfər evə buraxılıb.
Anews.az xəbər verir ki, bu barədə Trend-ə Saatlı Rayon Mərkəzi Xəstəxanasının baş həkiminin müavini Adəm Əliyev məlumat verib.
Baş həkimin müavini bildirib ki, dünən gün ərzində həmin xəstələrin vəziyyəti tam qənaətbəxş olduğu üçün stasionar müalicədən ambulator müalicəyə buraxılıb: "Gün ərzində xəstələr təkrar müayinə olundular, vəziyyətləri tam yaxşı olduğu üçün evə yazıldılar. Zəhərlənənlərdən 4 nəfər hazırda Bakıdadır. Onların da vəziyyətləri normaldır".
Qeyd edək ki, iyunun 10-da axşam saatlarında Saatlı rayonunun Sımada kəndi ərazisində pambıq tarlasında işləyən şəxslər arasında kütləvi zəhərlənmə qeydə alınıb. Hadisə nəticəsində 20 nəfər Saatlı rayon Mərkəzi Xəstəxanasına, 4 nəfər isə Bakıya-Kliniki Tibbi Mərkəzin Toksikologiya şöbəsinə yerləşdirilmişdi.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
