Daşkəsəndə təbii fəlakət - Evlər, körpülər dağıldı
25.06.2018 10:25
Daşkəsən rayonu ərazisində baş vermiş güclü leysan yağışları səbəbindən yaranmış sel suları rayonun yol, elektrik, qaz və rabitə təsərrüfatlarına, sakinlərin fərdi yaşayış evlərinə və şəxsi təsərrüfatlarına, avtomobillərinə, ərazidə olan sosial obyektlərə, yaylaqlarda vətəndaşların mal-qarasına ciddi ziyan vurub.
Rayon İH-dən "Qafqazinfo”ya daxil olan xəbərə görə, təbii fəlakət nəticəsində rayonun Təzəkənd, Pirverdilər, Rəsullu, Xoşbulaq, Qazaxyolçular, Qaraqullar kəndləri ərazisindəki körpülərə, yollara və obyektlərə daha çox ziyan dəyib.
Təzəkənd, Xoşbulaq kəndi ərazisində körpüülər, bəzi istirahət-ticarət obyektlərinin köşkləri dağılıb, çay kənarında yerləşən bir neçə fərdi yaşayış evlərini yararsız hala düşüb. Çoxsaylı kənd yaşayış məntəqələrinin rayon mərkəzi ilə gediş-gəliş əlaqəsi kəsilib. Sel suları xeyli elektrik və rabitə dayaqlarını, 5 ədəd elektrik transformatorunu sıradan çıxarıb.
Baş vermiş hadisə ilə əlaqədar dərhal Daşkəsən Rayon İcra Hakimiyyətinin başçısı Əhəd Abıyev operativ qərargah yaradıb, hadisə yerlərinə baxış keçirib.
Hadisə ilə bağlı aidiyyəti nazirliklərə məlumat verilib.
www.anews.az
Instagram
Bizi Instagramda izləyin
Foto
Video
