İlham Əliyevin təyin etdiyi liman direktoru kimdir?

Bu gün prezident İlham Əliyevin sərəncamı ilə Taleh Ziyadov Bakı Beynəlxalq Dəniz Ticarət Limanına yeni Baş direktor təyin olunub. “Qafqazinfo” xəbər verir ki, T.Ziyadov Azərbaycan Diplomatik Akademiyasında (ADA) elmi işçi və adyunkt professor vəsifələrində çalışır. O, Corctaun Universitetinin Diplomatik Xidmət məktəbində magistr təhsili alıb və hazırda Kembric Universitetinin doktorluq dərəcəsi üzrə təhsilini davam etdirir. Onun elmi araşdırmalarına Xəzər regionunun nəqliyyat, logistika və energetika məsələləri , həmçinin zəngin təbii sərvətlərə malik ölkələrin iqtisadi siyasəti əhatə edir. Onun analitik məqalələri bir sıra jurnallarda çap edilib.Daha əvvəl Taleh Ziyadov Vaşinqtonda Amerika-Azərbaycan Ticarət palatasının icrası direktorunun meüavini və ADA universitetində akademik məsələr üzrə dekan köməkçisi vəzifəsində çalışıb.ANN.Az