Direktor olmaq istəyənlərin nəzərinə

Bakı Şəhəri üzrə Təhsil İdarəsi bir illik fəaliyyəti ilə bağılı yaydığı hesabatda yeni tədris ilində direktor olmaq istəyən şəxslər üçün keçirdiyi təlimin nəticələrini açıqlayıb.ANN.Az “Qafqazinfo”ya istinadən xəbər verir ki, ötən il Təhsil Nazirliyi direktorlar və direktor olmaq istəyən şəxslər üçün təlim elan etmişdir. Təlimə qəbul müsabiqə ilə həyata keçirilib. Müsabiqənin birinci mərhələsində sənədlər qəbul edilib, müsabiqənin II mərhələsində isə pedaqoji kadrların məntiqi düşüncə və müəyyən mövzular üzrə esse yazma bacarıqları qiymətləndirilib. Bu mərhələni keçən şəxslər arasında müsahibə təşkil edilib və seçilmiş namizədlər 4 aylıq təlimdən keçiblər. Təlimdən sonra imtahan vermiş və yüksək bal toplamış namizədlər Təhsil Nazirliyində müsahibə prosesindən keçiblər. Yalnız uğur qazanmış namizədlərdən 15 nəfər direktor və digərləri direktor müavini kimi təyinat alıb.Şəffaflıq məsələsinə xüsusi diqqət yetirən BŞTİ tərəfindən Bakı şəhəri ərazisində müəllimlərin yerdəyişməsi prosesində ilk dəfə olaraq imtahan keçirilmiş və müəllimlər topladıqları ballara uyğun olaraq yerləşdiriliblər.ANN.Az