Bakı metrosunda əxlaqsız – Ramil Usubova müraciət
08.09.2018 13:34
Bakı metrosunda sərxoş vəziyyətdə qızlara sataşan və onlardan birinin halının pisləşməsinə səbəb olan 1981-ci il təvəllüdlü Seymur Abbasovun tərbiyəsiz hərəkəti sosial şəbəkələrdə də sərt etiraz doğurub.
Anews.az "axar.az”a istinadən xəbər verir ki, sərnişinlər tərəfindən polisə təhvil verilən və barəsində araşdırma aparılan S.Abbasovun əxlaqsızlığı haqda məlumat ictimailəşdikdən sonra sosial şəbəkə istifadəçiləri etiraza qalxıblar.
Həmçinin, Daxili İşlər naziri Ramil Usubova müraciət edərək, olayı nəzarət altına almasını xahiş ediblər. S.Abbasovun qanunvericiliyə uyğun cəzalanması və bunun ictimailəşməsinin cəmiyyətdəki bu cür neqativliyə qarşı önəmli addım olacağı bildirilib.
Qeyd edək ki, 6 sentyabrda S.Abbasov olduğu müəyyənləşən şəxs vaqonda qızlara qarşı nalayiq hərəkətlərə yol verib. Bu zaman vaqondakı sərnişinlər həmin şəxsə etiraz edib. "Koroğlu” stansiyasında polis əməkdaşları müdaxilə edərək, S.Abbasovu vaqondan düşürüblər və polis bölməsinə aparıblar.
"Qara Qarayev” stansiyasında isə əxlaqsızın hücumuna məruz qalan qızın halı pisləşib və o özündən gedib. Sərnişinlərdən bir neçəsi qızı qatardan düşürüb və metro işçilərini köməyə çağırıb.
Bakı Metropoliteni QSC-nin mətbuat xidmətinin rəhbəri Bəxtiyar Məmmədov bildirib ki, S.Abbasovla bağlı araşdırma davam edir.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
