Bakıda ağac bahalı avtomobilin üstünə aşdı - FOTO

Bu gün Bakı şəhərində irigövdəli ağac kökündən çıxaraq aşıb.

Nəsimi rayonu Bakıxanov küçəsində qismən çürümüş ağac küləyin təsiri ilə əyilib və daha sonra binanın həyətinə aşıb. Hadisə nəticəsində həyətdə park edilmiş "Toyota Prado” markalı avtomobilin şüşələri və faraları qırılıb. Bundan başqa ağacın budaqları binadakı mənzillərin pəncərələrinin qırılmasına səbəb olub.

Sakinlər bildiriblər ki, bu ağacın aşa biləcəyi ilə bağlı əvvəlcədən aidiyyatı təşkilatlara mütaciət edilsə də, tədbir görülməyib./publika.az