Əmək və Əhalinin Sosial Müdafiəsi Nazirliyində iki TƏYİNAT

Etik müvəkkil və informasiya məsələləri üzrə məsul şəxs müəyyən edilib 

Əmək və əhalinin sosial müdafiəsi nazirinin müvafiq əmrinə əsasən, nazirliyin Dövlət qulluğu və kadr məsələləri şöbəsinin müdiri Nərmin Bayramova etik müvəkkil təyin edilib. O, nazirlik sistemində etik davranış qaydalarının tətbiqi, bu sahədə maarifləndirmə və mübahisələrin həlli işlərini yerinə yetirəcək.

Bu barədə Anews.az-a nazirliyin İctimaiyyətlə əlaqələr şöbəsindən məlumat verilib.

Əmrə əsasən, həmçinin informasiyanın proaktiv formada ictimaiyyətə təqdim edilməsi və onun əldə olunmasının təşkili məqsədilə nazirliyin İctimaiyyətlə əlaqələr və kommunikasiya şöbəsinin müdiri Fazil Talıbov nazirlikdə informasiya məsələləri üzrə məsul şəxs təyin edilib.