Xocalı sakini: Ailə üzvlərimin başını kəsdilər, qardaşımın yarasına qaynar su tökdülər - VİDEO

Həmin gün yaşadıqlarını düşünüb, özümüzü onun yerinə qoysaq , Allahdan önun üçün səbr diləsək görəsən acılarına, yaşaqdıqlarına məlhəm olarmı?

Anews.az-ın "Oxu.Az”a istinadən məlumatına görə, bu barədə Xocalı hadisələrinin şahidi Mürvət Məmmədov danışıb.

İtirdiklərinin yeri dolarmı? 27 il ötməsinə baxmayaraq, bu gün də baş verənləri xatırlayanda gözləri yaşla dolursa....

Hələ 14 yaşındaykən ikinci dəfə köçkün həyatı yaşamasını, 8 nəfərlik ailəsinin parçalanmasını, əsir düşdüyü zaman, düşmənlərin çörək əvəzinə, onlara torpaq yedizdirdiyini, iki qardaşının və atasının nə olüsündən, nə dirisindən 15 il xəbər tutmamasını necə unutsun axı?

Həmin vaxt Mürvət Məmmədovun 14 yaşı olub.

Mürvət Məmmədov yaddaşından heç vaxt silinməyəcək o hadisələri yana-yana xatırlayır.

İndi Mürvətin ən böyük istəyi torpaqlarımızın geri qaytarılmasıdır.

Atasının və qardaşlarının qəbrini tapmaq ümidi olmasa da, heç olmasa ruhlarının uyuduğu torpaqlara addım atsa, bəlkə ona da  təsəlli olar.