Rəis oğlu “Porsche” ilə yüksək sürətlə radara düşdü - FOTO

Azərbaycanda bir çox  yüksək çinli məmurların övladlarının yol-hərəkəti qaydalarını pozması və bunun ağır faciələrə  səbəb olmasına dair mediada zaman-zaman xəbərlər yayılır.


Anews.az gununsesi.org-a istinadən xəbər verir ki, valideynlərinin tutduğu mövqeyə arxalanan bu cür şəxslərin  törətdikləri əməllər sonradan onların ictimai qınaqla üzləşməsi, həbsi və bəzi halarda arxalandıqları insanların vəzifədən atılması ilə nəticələnsə də zaman-zaman bu tipli adamların avtoxuliqanlıq hərəkətləri təkrarlanır.


Gəncə Şəhər Baş Polis İdarəsinə yeni təyin olunan rəis Əkbər İsmayılovun oğlu Ülvi İsmayılov da  belələrindəndir. Ülvi İsmayılovun tez-tez yol hərəkəti qaydalarını pozması, sürücü kimi qanunlara məhəl qoymadığı bildirilir.


Bakı-Şamaxı yolunun 84.6 km-də sürət həddi 90 km/saat müəyyən olunan yolda Ülvi İsmayılov özünə məxsus 10 TO 020 dövlət qeydiyyat nömrə  nişanlı "Porsche Panamera” maşını ilə sürət həddini aşaraq 149 km/saat -la radara düşüb.


Ülvi İsmayılovun qanunları pozmasında təəccüb doğuracaq məqamlardan biri də onun özünün də polis orqanlarında çalışmasıdır. Bildirilir ki, ay ərzində bir neçə radar və kameralara yaxalanmaq Ülvi İsmayılovun avtomobili üçün adi haldır.
 

www.anews.az