Nazirlik binasına basqın - Nazir müavini amansızlıqla öldürüldü

Somalinin paytaxtı Moqadişoda "Əş-Şabab" terror təşkilatının üzvləri hökümət binalarına hücum ediblər.
Publika.az "RİA Novosti"yə istinadən xəbər verir ki, silahlı qruplaşma şəhərdə iki avtomobili partlatdıqdan sonra Əmək və Sosial Məsələlər Nazirliyinin binasına hücuma edib. Hücum nəticəsində binada olan əmək və sosial məsələlər nazirinin müavini Sakar İbrahim Abdulla güllələnərək qətlə yetirilib.
Hücumlar nəticəsində çoxlu insan itkisinin olduğu bildirilir. Terror təşkilatı hadisələrə görə məsuliyyəti öz üzərinə götürdüyünü bəyan edib.

www.anews.az