Yanğından zərər görən sahibkarlarla bağlı açıqlama

Xəbər verildiyi kimi paytaxtın Nizami rayonunda yerləşən "Diqlas” ticarət mərkəzində yanğın baş verib. Qeyd edək ki ticarət mərkəzi fərdi sahibkarlara icarəyə verilib.

Məsələ ilə bağlı sığorta üzrə ekspert İlkin İbrahimov bizimyol.info-ya bildirib ki, "Daşınmaz əmlakın icbari sığorta”sı növü üzrə sığorta məcburi sığortalanır və sığortanın olmasına nəzarəti Fövqəladə Hallar Nazirliyi nəzarət edir: "Bu sığortanın mahiyyəti o deməkdir ki, əgər müqavilədə nəzərdə tutulan hallar-yanğın, subasma, sel, zəlzələ, yer sürüşməsi və.s. baş verərsə tikiliyə dəyən ziyan sığorta şirkəti tərəfindən qarşılanmalıdır.

İlkin İbrahimovDigər tərəfdən mağazaların içərisindəki mallar isə "daşınar əmlakın könüllü "sığortası növü üzrə sığortalanır. Bu növ sığorta könüllü xarakter daşıyır və hər bir sahibkar öz mağazasının içərisindəki əmlakı fərdi qaydada könüllü şəkildə sığortalayır”.