Təyyarə qoxuya görə təcili eniş etdi - Yeddi nəfər xəstəxanalıq oldu

"United Airlines” hava yolları şirkətinə aid layner göyərtədə olan dözülməz qoxu ilə əlaqədar təcili eniş etmək məcburiyyətində qalıb.

 Bu haqda  Fox News məlumat yayıb.İnsident Vaşinqtondan San-Fransiskoya uçan "Boeing 737” sərnişin təyyarəsinin göyərtəsində baş verib. Təyyarə aeroporta eniş edərkən onları xilasedicilərdən ibarət dəstə gözləyib. Bir neçə nəfərin tibbi yardıma ehtiyacı yaranıb. Nəticədə yeddi nəfər xəstəxanaya yerləşdirilib.

Sərnişinlərdən biri, qoxunun yanacaq qoxusuna bənzədiyini və təyyarənin havaya qalxmasından sonra iyin daha da kəskinləşdiyini bildirib.