İcra başçısı gecəyarısı yanan əraziyə gəldi - Foto

"Qafqazinfo”nun məlumatına görə, gecə saatlarında Şamaxı rayon icra hakimiyyətinin başçısı Tahir Məmmədov hadisə yerinə gəlib. İcra başçısı fermerlərlə və kənd sakinləri ilə görüş keçirib. Həmçinin T.Məmmədov kənd sakinlərinin əraziyə keçməməsi üçün tapşırıq verib. O, yanğın söndürülənə kimi ərazidə olub. 
Bundan əlavə, Kənd Təsərrüfatı Nazirliyinin nümayəndələri də  gecə saatlarında yanğın baş verən ərazidə olublar. 

Qeyd edək ki, yanğın əvvəl otlaq sahəsində  baş verib. Daha sonra isə  biçilməmiş taxıl zəmilərinə keçib. Kənd sakinlərinin sözlərinə görə, 1000 hektar taxıl sahəsi yanıb.  Bunun da 100-150 hektarı biçilməmiş taxıl sahəsinin payına düşür. 
Yanğın baş verən ərazi kənd  ərazisinə yaxın olduğu üçün bir nəfər kənd sakininin minik avtomobili yanaraq yararsız vəziyyətə düşüb. Yanğının kəndlərə və meşə sahəsinin keçməsinin qarşısı alınıb və səhər saat 6 radələrində tam söndürülüb. 

www.anews.az