Zaqatalada 65 yaşlı kişi çardaqdan yıxılaraq ölüb

Zaqatalada 65 yaşlı kişi bədbəxt hadisə nəticəsində ölüb.

APA-nın şimal-qərb bürosunun məlumatına görə, Zaqatala şəhəri, A. Həmidov küçəsi ev 160 ünvanında yaşayan, 1954-cü il təvəllüdlü Məmmədəli Aşur oğlu Soltanov ötən gün axşam saat 18 radələrində Zaqatala Rayon Mərkəzi Xəstəxanasının Reanimasiya şöbəsinə daxil olub.

Tibb müəssisəsindən APA-ya bildirilib ki, müayinə zamanı 65 yaşlı M. Soltanovun yaşadığı evin çardağında iş görən zaman yıxılaraq ağır qapalı kəllə-beyin travması alması məlum olub. Həkimlərin səyinə baxmayaraq M. Soltanovun həyatını xilas etmək mümkün olmayıb.
Faktla bağlı araşdırma aparılır.

www.anews.az