Azərbaycanlı kriminal avtoritetdən xəbər var

Bu gün Minsk məhkəməsində dövlət ittihamçısı Rəşad Gəncinski kimi tanınan kriminal avtoritet Rəşad İsmayılova cəza istəyəcək.
"Sputnik Belarus” xəbər verir ki, ümumilikdə hakim qarşısına üç müttəhim çıxacaq. Onlardan ikisi azərbaycanlı, biri isə belarusludur.

Müttəhimlər hüquq-mühafizə orqanlarının əməkdaşları tərəfindən Minsk yaxınlığındakı elit klubların birində silah, narkotik maddələr və saxta sənədlərlə saxlanılıblar.
Hadisə 2018-ci il noyabrın 20-də baş verib. Saxlanma zamanı R.İsmayılovun üzərindən başqasının adına pasport tapılıb. Onun sürücüsü olan belarusluda iki tapança və patronlar, digər azərbaycanlıda isə həşiş aşkar edilib.
Müttəhimlər qismən təqsirli olduqlarını etiraf ediblər. Bu gün məhkəmənin növbəti iclası keçiriləcək.

www.anews.az