Rusiyada daha bir kassir qadın milyonları götürüb qaçdı

Rusiyada məhkəmə sosial şəbəkələrinin qəhrəmanına çevrilmiş Luiza Xayrullina haqqında hələ hökm çıxarmayıb.
Başqırdıstanlı kassir 400 min dollara qədər (24,5 milyon rubl) pulu götürüb qaçmışdı. Rusiyada daha bir kassir qadın Luiza kimi davranıb.
Bizimyol.info xəbər verir ki, Kriştiano Ronaldonun da reklamında yer aldığı "Otkrıtie” bankının əməkdaşı 6,5 milyon rublla (təxminən 100 min dollar) ortadan yox olub. Amma Ufa şəhərinin 39 yaşlı sakini uzağa gedə bilməyib. Elə bankın təhlükəsizlik xidmətinin əməkdaşları qadını ələ keçirib. Kassir polisə təhvil verilib. Ona qarşı Rusiya Cinayət Məcəlləsinin 160-cı maddəsi (mənimsəmə və israfetmə) ilə ittiham irəli sürülüb.
Luiza Xayrullinanı belə tez ələ keçirə bilməmişdilər. Kassir qadın iki ay polisdən gizlənməyi bacarmışdı. Ailəsi ilə birlikdə qaçan qadını uşaqlarından biri ələ vermişdi. Uşaq babasına zəng vuraraq, özü də bilmədən ailənin yerini polisə göstərmişdi. Sonradan Luizanın əri Maratın həmin pulları qumarda uduzduğu üzə çıxmışdı.

www.anews.az