Qanuni oğru adını məhkəmədə ləğv etdirdi

Rusiyada iş adamı Amerxan Mutsoyev Moskva məhkəməsində qalib gəlib. O, qanuni oğru adını ləğv etdirib.
Bizimyol.info xəbər verir ki, Mutsoyevi "Praym Kraym” informasiya agentliyi qanuni oğru adlandırmışdı. Agentlik polisin əməliyyat qeydlərinə istinad etdiyini bildirmişdi. "Praym Kraym” iş adamının kriminal dairələrdə ləqəbinin Mori olduğunu yazmışdı.
İş orasındadır ki, Mutsoyev nəinki həbsxanada yatmayıb, ümumiyyətlə, heç vaxt cinayət məsuliyyətinə cəlb olunmayıb. İş adamı məhkəməyə iddia ilə müraciətdə onu yüksək cinayət ierarxiyasına aid etməmək tələbini ortaya qoymuşdu.
Moskva Xamovniçeski məhkəməsi onun iddiasını təmin edib. Beləcə, Mutsoyevi heç kim qanuni oğru adlandıra bilməz.

www.anews.az