Gürgandakı partlayışda yaralananların son vəziyyəti

Səhiyyə Nazirliyindən Anews.az-a daxil olan məlumata görə, xəstəxanaya yerləşdirilən 3 nəfərdən birinin müalicəsi reanimasiya şöbəsində davam edir. Həkimlər tərəfindən vəziyyəti ağır qiymətləndirilir, digər iki nəfər isə cərrahiyyə şöbəsindən palataya köçürülüblər. Vəziyyyətləri orta ağırdır.

Qeyd edək ki, dünən saat 13:30 radələrində Gürgan qəsəbəsinin yaxınlığında dənizin dayaz hissəsində seysmik kəşfiyyat işlərində istifadə edilən partlayıcı maddəni təyinat nöqtəsinə aparan ekspedisiyanın qayığında partlayış baş verib. Hadisə nəticəsində SOCAR-ın əməkdaşı Məmmədov Habil Gülməmməd oğlu həlak olub, digər 3 nəfər isə yaralanıb.
 

www.anews.az