“Facebook”da qeydiyyatdan keçən ilk 10 insan

"Facebook”un dünyada milyonlarla istifadəçisi var. Bəs bu sosial şəbəkədə qeydiyyatdan keçən ilk 10 insan kim olub? Bizimyol.info sizə həmin adamların adlarını təqdim edir.

Mark Zukerberq – İlk istifadəçinin adı onsuz da mübahisə doğurmurdu. "Facebook”un təsisçisi əvvəlcə özünə profil açmışdı.
Kris Hyuz – O da "Facebook”un yaradıcılarındandır. Kris hətta Markın otaq yoldaşı olub.
Dastin Moskovits – Zukerberqin daha bir otaq yoldaşı. İndi "Asana” şirkətinin həmtəsisçisidir.
Arie Hasit – "Facebook” rəhbərliyinə aid olmayan ilk istifadəçidir. İndi İsraildə yaşayır, dini qruplardan birinin mənəvi lideridir.
Endryu Makkolam – "Facebook”un loqotipini hazırlayan adamdır. Mark ilə birlikdə Harvard Universitetində oxuyub.
Kolin Kelli – Haqqında çox söz demək olmur. Son illər vəkil kimi fəaliyyət göstərir.
Mark Kaqanoviç – Çox intellektli insan sayılır. "SolveBio” şirkətinin icraçı direktorudur.
Andrey Boros – Londonda yaşayır. "Capeview Capital” şirkətində işləyir.
Manuel Antonio Agilar – Mark Kaqanoviçin otaq yoldaşı olub. Zukerberqlə birlikdə riyaziyyat məşğələlərinə gedib. Məhz Mark ona "Facebook”da qeydiyyatdan keçməyi məsləhət görmüşdü.
Zak Berku – Harvard Universitetində oxuyub. İndi Nyu-Yorkda rentgen şöbəsində işləyir.

www.anews.az