Vilayət Eyvazovdan əmr - Novruz Məmmədovun oğlunun postuna yeni təyinat

Daxili işlər orqanlarında yeni kadr təyinatları olub.

Anews.az "Report"a istinadən bildirir ki, bununla bağlı Daxili İşlər naziri Vilayət Eyvazov əmr imzalayıb.

Əmrə əsasən, Sabunçu Rayon Polis İdarəsinin (RPİ) 42-ci Polis Bölməsinin rəisi vəzifəsinə polis polkovnik-leytenantı Azər Məmmədov təyin edilib.

V.Eyvazovun digər əmri ilə polis mayoru Fərrux Bektaşi Sabunçu RPİ-nin 15-ci Polis Bölməsinin rəisi vəzifəsinə təyin olunub.

Sabunçu RPİ-nin 15-ci Polis Bölməsinin əvvəlki rəisi sabiq baş nazir Novruz Məmmədovun oğlu İsmayıl Məmmədov olub. O, bir neçə gün əvvəl Daxili İşlər Naziri Vilayət Eyvazovun əmri ilə İ.Məmmədov DİN-nin Baş Cinayət Axtarışı İdarəsinin baş əməliyyatçısı təyin olunub.



www.anews.az