Rayonlarda ictimai nəqliyyat nə vaxt yenilənəcək? - Rəsmi AÇIQLAMA

Bakı şəhərində xidmət göstərən marşrut-avtobuslar ildən-ilə yenilənsə də rayonlarda hələ də nasaz və köhnə avtobuslardan ictimai nəqliyyat kimi istifadə olunur.

Xəttə buraxılmış köhnə, istismara yararsız həmin avtobuslar insanların həyatı üçün də təhlükəlidir. Bəs rayonlarda ictimai nəqliyyat nə vaxt yenilənəcək? Mövzu ilə bağlı Nəqliyyat, Rabitə və Yüksək Texnologiyalar Nazirliyinin mətbuat katibi Günel Gözəlova ilə əlaqə saxladıq.

Günel Gözəlova Yeniavaz.com-a açıqlamasında bildirdi ki, Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti mövcud daşıyıcı şirkətlər qarşısında avtobus parkının yenilənməsinə dair beş illik tələb qoyub:

"Artıq bu müddətin iki ilini geridə qoymuşuq. Statistikaya nəzər salsaq, respublika üzrə istismar müddəti 10 ildən yuxarı olan avtobusların statistikası 77 faizdən yuxarı idisə, hazırda avtobusların yenilənməsindən sonra bu rəqəm 64 faizə enib. Önümüzdəki üç il ərzində də avtobus parkının yenilənməsi davam edəcək".

Günel Gözəlova həmçinin bildirdi ki, rayonlarda fəaliyyət göstərən marşrut xətlərinin yenilənməsi prosesi artıq başlayıb: