Naməlum şəxslər Bakı sakinini qətlə yetirdi

Bakının Suraxanı rayonunda qətl törədilib.

Anews.az APA-ya  istinadən xəbər verir ki, hadisə Hövsan qəsəbəsində qeydə alınıb.
 
1983-cü il təvəllüdlü Dövlətov İlkin İbrahim oğlu naməlum şəxslərlə mübahisə zamanı bıçaqlanaraq ağır xəsarət alıb. Yaralı xəstəxanaya yerləşdirilib. Ona döş qəfəsinin çoxsaylı kəsilmiş-deşilmiş yarası diaqnozu qoyulub.
 
Lakin həkimlərin bütün tibbi yardımlarına baxmayaraq, o, xəstəxanada dünyasını dəyişib.
 
Faktla bağlı Suraxanı Rayon Polis İdarəsi və Prokurorluğu tərəfindən araşdırma aparılır.

www.anews.az