Bakıda kişi baldızını öldürüb, arvadını bıçaqladı — TƏFƏRRÜATLAR

Bakı Ağır Cinayətlər Məhkəməsində baldızını bıçaqlayaraq öldürməkdə, arvadına isə xəsarət yetirməkdə təqsirləndirilən Samir Quliyevin cinayət işi üzrə hazırlıq iclası keçirilib.

"Anews.az" report-a istinadən xəbər verir ki, hakim Eldar İsmayılovun sədrlik etdiyi iclasda anket məlumatları dəqiqləşdirilib. 
Baxış iclası yanvarın 21-nə təyin edilib.

Qeyd edək ki, hadisə ötən ilin sentyabr ayında Binəqədi rayonunda - Binəqədi şosesi, döngə 4 ünvanında baş verib. İmişli rayon sakini, 1981-ci il təvəllüdlü Quliyev Samir Qurban oğlu arvadı, 1989-cu il təvəllüdlü Kürdəmir rayon sakini Mahmudova Ruhəngiz Abdul qızına 14 bıçaq zərbəsi vurub. O, daha sonra 1987-ci il təvəllüdlü baldızı, Kürdəmir rayon sakini Mahmudova Roza Abdul qızına isə 5 bıçaq zərbəsi vuraraq ərazidən qaçıb. Yaralılar Binəqədi Rayon Polis İdarəsinin 6-cı Polis Bölməsinin əməkdaşları tərəfindən 1 saylı Xəstəxanaya çatdırılsa da, Roza Mahmudovanın həyatını xilas etmək mümkün olmayıb. 

Hüquq-mühafizə orqanları tərəfindən saxlanılan S.Quliyevə Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) və 126-cı (qəsdən sağlamlığa ağır zərər vurma) maddəsi ilə ittiham olunub.

www.anews.az