Haitidə uşaq evində baş vermiş yanğın zamanı 14 uşaq ölüb

Haitidə uşaq evində baş vermiş yanğın nəticəsində on dörd uşaq ölüb.

APA-nın "RİA Novosti”yə istinadən verdiyi məlumata görə, bu barədə "Haiti Libre” internet portalı məlumat yayıb.

Yanğının kilsə nəzdindəki uşaq evində baş verdiyi bildirilir. Sosial Rifah və Tədqiqatlar İnstitutunun baş direktoru Ariel Vildruanın sözlərinə görə, faciənin baş verdiyi uşaq evinin fəaliyyəti qanunsuz olub.

Portalın məlumatına görə, yanğının səbəbi ehtiyatsızlıq ola bilər.

www.anews.az