Parlament Xocalı soyqırımına hüquqi-siyasi qiymət verib? - AÇIQLAMA

Ermənilərin Xocalı şəhərində törətdiyi soyqırımından 28 il ötür.

1992-ci il fevralın 25-dən 26-na keçən gecə erməni hərbi birləşmələri Rusiyanın 366-cı motoatıcı alayının köməyi ilə Xocalı şəhərini işğal edərək, burada yaşayan dinc əhaliyə qarşı soyqırımı törədib.

Soyqırım nəticəsində 63 uşaq, 106 qadın, 70 qoca olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 487 nəfər, o cümlədən 46 uşaq yaralanıb. 1275 nəfər girov götürülüb. Girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.

Bəs görəsən, Azərbaycan parlamenti soyqırıma hüquqi-siyasi qiymət veribmi?

Məsələ ilə bağlı politoloq Zərdüşt Əlizadə ilə danışdıq.

Politoloq deyir ki, hakimiyyət l bu məsələnin tam açılmasında maraqlı deyil.

Onun sözlərinə görə, məsələ tam aydınlaşsa, bir çox adam ifşa olunacaq.

"Xocalı soyqırım tam olaraq Ayaz Mütəllibovun cəsarətsizliyindən, Mütəllibov hakimiyyətinin səriştəsizliyindən baş verdi. Eyni zamanda, AXC-nin də maraqlarında idi ki, Mütəllibov hakimiyyəti devrilsin və onlar üçün yaşıl işıq yansın. Ona görə də müxtəlif formada təxribatlar hazırlanırdı. Mən o vaxt bunu deyəndə, məni ruspərəstlikdəgünahlandırırdılar, ancaq bütün dediklərimin fonunda erməni hərbi birləşmələri və Rusiyanın 366-cı motoatıcı alayı Xocalıya girdi və soyqırım baş verdi. Ondan sonra da hakimiyyət sırf siyasi maraqlar səbəbindən məsələyə hüquqi-siyasi qiymət verməkdə maraqlı olmadı. İndi də maraqlı deyil. Çünki bu hadisəyə hüquqi-siyasi qiymət verilsə, bir çox məsələ faş olunacaq”, - deyə politoloq Zərdüşt Əlizadə bildirib.

Yeni Azərbaycan Partiyasının üzvü, millət vəkili, politoloq Elman Nəsirov isə deyilənləri təkzib edir.

Onun sözlərinə görə, Heydər Əliyev hakimiyyətə gəldikdən sonra, onun təşəbbüsü ilə Xocalı soyqırımına siyasi-hüquqi qiymət verilib.

Həzi



 

www.anews.az