“Lənkəranski”nin yaxın adamı axtarışa verildi

Azərbaycanlı "oğru” Zaur Şipilov ("Zaur Naxçıvanski”) Rabitə, İnformasiya Texnologiyaları və Kütləvi Kommunikasiya üzrə Rusiya Federal Nəzarət Xidmətinin Orenburq vilayəti üzrə idarəsinə müraciət edib. 

Yenisabah.az xəbər verir ki, "oğru” müraciətində Rusiyanın kriminal sahə üzrə ixtisaslaşmış "PrimeCrime” İnformasiya  Agentliyində və digər KİV-lərdə onun şəxsi fotolarının tirajlanmasına son qoyulmasını tələb edir. 

Zaur Şipilov "Culfalı Bayram” kimi tanınan kriminal avtoritet Bayram Talıbovun oğludur. Bayram Talıbov 2006-cı ildə Azərbaycan nüfuzlu "oğru”larından sayılan Hikmət Muxtarovla ( "Sabirabadlı Hikmət”) birlikdə sui-qəsdə məruz qalıb. Qatil(lər) hər iki kriminaliteti güllələyərk öldürüb. 

Həmin vaxt 21 yaşı olan Zaur Şipilov "oğru” Rövşən Canıyevin ("Rövşən Lənkəranski”) himayəsində olub. Bu baxımdan, o, mərhum Rövşən Canıyevin ən yaxın adamlarından biri hesab edilir. Zaur Şipilov 2013-cü ildə Türkiyədə keçirilən "sxodka”da kriminal aləmin ali statusuna layiq görülüb. 

35 yaşlı Zaur Şipilov "oğru” statusu aldıqdan 2 il sonra yəni, 2015-ci ilin oktyabrında Moskvanın Çertanovo rayonundakı "Çayxana" restoranında Rusiya Daxili İşlər Nazirliyi Cinayət-Axtarış Baş İdarəsinin əməkdaşları tərəfindən saxlanılıb. Onun üzərinə baxış keçirilən zaman böyük miqdarda heroin aşkarlanıb. Barəsində həbs qərarı verilən Zaur Şipilov Moskvada yerləşən "Matroskaya Tişina” həbsxanasına gətirilir. Bir qədər sonra o, Moskva şəhər Çertanov rayon Məhkəməsinin hökmü ilə 3 il müddətinə azadlıqdan məhrum edilib və "Matroskaya Tişina” türməsindən Samara vilayətində olan "zon”a göndərilib. Həmin "zon”da nüfuzlu "oğru” Vladimr Ozerskiy ("Vova Zyuzya”) ilə birgə cəza çəkib. 

2018-ci ildə azadlığa çıxan "Culfalı Bayram”ın oğlu hazırda da Rusiyanın hüquq-mühafizə orqanlarının hədəfindədir. Orenburq vilayətinin daxili işlər idarəsinin rəis müavini Ruslan Məhəmmədov Rusiya KİV-lərinə bildirib ki, hazırda  Zaur Şipilovla bağlı əməliyyat-axtarış tədbriləri həyata keçirirlir. 

www.anews.az