Yüksək rütbəli şəxslər karantin qaydalarına əməl olunmasını yoxladı - FOTO

Cəlilabadda xüsusi karantin rejiminə nəzarətlə bağlı görülən tədbirlər daha da gücləndirilib.

Bu barədə Daxili İşlər Nazirliyinin Mətbuat Xidmətindən Yenisabah.az-a  daxil olan məlumatda bildirilib ki, bu istiqamətdə həyata keçirilən işlərin səmərəliliyini artırmaq və yeni növ koronavirus infeksiyasına qarşı mübarizəni daha da kəsərli aparmaq üçün polis əməkdaşları ilə yanaşı, rayonun hüquq-mühafizə orqanlarının rəhbərləri də şəxsən sakinlərlə maarifləndirici söhbətlərdə iştirak edir, tapşırıq və tövsiyələrini verirlər. 

Hər bir vətəndaşa xüsusi karantin günlərində evdən çölə çıxmağın onların və yaxınlarının sağlamlığı baxımından təhlükəli olduğu izah edilir.

Eyni zamanda, hazırda fəaliyyətini davam etdirən obyektlərdə gigiyena qaydalarının gözlənilməsinin və virus infeksiyasının yayılmasına qarşı görülməli olan tədbirlərin vacibliyi diqqətə çatdırılır. 





www.anews.az