Karantin qaydalarını pozan 1263 nəfər məsuliyyətə cəlb edildi

Karantin rejiminin pozulmasına görə, mayın 9-dan 11-dək respublikanın avtomobil yollarında nəqliyyat vasitələri ilə hərəkətdə olan 1263 nəfər İnzibati Xətalar Məcəlləsinin 211-ci maddəsi ilə inzibati məsuliyyətə cəlb edilib.

Bu barədə Baş Dövlət Yol Polisi İdarəsindən (BDYPİ) məlumat verilib. 


İdarədən verilən məlumata görə, ölkədə xüsusi karantin rejiminin tətbiq edildiyi vaxtdan bu günədək respublikanın, o cümlədən paytaxtın avtomobil yollarında xüsusi karantin rejiminin pozulmasına görə, ümumilikdə 51 437 hərəkət iştirakçısı inzibati məsuliyyətə cəlb edilib.


www.anews.az