• $
  • €
  • ₽
  • ₺
  • £

Salyan polisi ayağa qalxdı

Salyan polisi ayağa qalxdı
17.07.2014 11:52

Polis əməliyyat keçirdi, bir neçə cinayətkar qrup tutuldu

Kriminal  Salyan rayon polis şöbəsinin əməkdaşları bir neçə uğurlu əməliyyat axtarış tədbirləri həyata keçiriblər. Daxili işlər Nazirliyinin mətbuat xidmətindən ANS PRESS-ə verilən məlumata görə, əməliyyat zamanı narkotik maddələrin qanunsuz dövriyyəsi və çoxsaylı oğurluq cinayətləri törətmiş şəxsləri yaxalanar məsuliyyətə cəlb edilib.

Belə ki, İlham Abbasov adlı vətəndaşın külli miqdarda narkotik maddə satışı ilə məşğul olması barədə polisə əməliyyat məlumatı daxil olub. Məlumat daxil olduqdan sonra o nəzarətə götürülüb.

Əməliyyatçılar İlham Abbasovu saxlamaq istəyərkən o əlindəki şübhəli bağlamanı ataraq qaçmaq istəyib. Lakin buna nail ola bilməyib. Bağlamaya baxış zamanı 1 kiloqramdan çox narkotik maddə olan həşiş qatranı aşkarlanaraq maddi sübut kimi götürülüb.

Saxlanılan şəxs bildirib ki, narkotik maddəni İran İslam Respublikasının tanımadığı vətəndaşından satmaq məqsədilə alıb. Lakin ələ keçdiyindən narkotik maddəni realizə edə bilməyib. 

Salyan polisinin keçirdiyi digər əməliyyat nəticəsində rayon ərazisindəki evlərdən oğurluqlar etmiş 3 nəfərdən ibarət dəstə zərərsizləşdirilib.

Belə ki, Kürqaraqaşlı kənd sakini Taleh Eyvazov evindən külli miqdarda qızıl zinət əşyaları və pul oğurlanması barədə polisə məlumat verib. Dərhal istintaq əməliyyat tədbirlərinə başlanılıb və cinayəti törətmiş şəxslər - Təbriz Bağırov, Ramiq Hüseynov və Fərid Gülməmmədov müəyyən edilərək saxlanılıb.

Dəstə üzvləri bildiriblər ki, gözəgəlimli evləri müəyyən edərək əvvəlcə ətrafda müşahidələr aparıblar. Daha sonra isə ev sahiblərinin evdə olmadığı vaxtlarda qapını və ya pəncərəni sındırma yolu ilə içəri daxil olublar. Təbriz Bağırovla Ramiq Hüseynov otaqları axtarıb. Fərid Gülməmmədov isə pusquda dayanaraq gəlib gedənə nəzarət edib. Təkcə vətəndaş Taleh Eyvazovun evindən 3860 manat dəyərində qızıl və külli miqdarda nəğd pul talanıb.

İstintaqla daha sonra dəstə üzvlərinin digər cinayətlər törətdiyi də üzə çıxıb. Məlum olub ki, saxlanılan şəxslər ayrı-ayrı vaxtlarda vətəndaşların evlərinə girərək pul, qızıl və həyətyanı sahələrdən mal-qara da oğurlayıblar.

Aparılan digər əməliyyat axtarış tədbirləri nəticəsində 2014-cü ilin əvvəllərindən başlayaraq rayon ərazisindəki kəndlərdən vətəndaşlara məxsus xeyli sayda iri və xırda buynuzlu mal qara oğurlayan şəxslər də tutularaq istintaqa təhvil verilib.

Əməliyyat zamanı Mənsur Məmmədzadə və Amal Mehdiyev mal-qara oğurlayarkən polis əməkdaşları tərəfindən cinayət başındaca yaxalanıb.

Bütün faktlarla bağlı cinayət məcəlləsinin müxtəlif maddələrlə iş açılıb, istintaq saxlanılan şəxslərin ətrafında araşdırmaları davam etdirir.

ANN.Az

Facebook
Keçid et
Oxşar xəbərlər
Oxşar xəbərlər
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
Anews TV

Rəsmi Youtube kanalımız

Abunə ol