Türkiyədəki fabrikdə baş vermiş partlayışa görə 3 nəfər haqqında həbs qərarı çıxarıldı

Türkiyənin Sakarya vilayətindəki pirotexnika istehsalı fabrikində baş vermiş partlayışa görə 3 nəfər haqqında tutulma qərarı çıxarılıb. 

Anews.az-ın APA-ya istinadən xəbərinə görə, bu barədə qərar Sakarya Cumhuriyyət Prokurorluğu tərəfindən verilib. 

 

Qeyd edək ki, iyulun 3-də Türkiyənin Sakarya vilayətində fişəng istehsal edən fabrikdə partlayış baş verib. Hendek rayonunda yerləşən fabrikdə ard-arda bir neçə şiddətli partlayış olub.

 

Partlayış nəticəsində 4 nəfər ölüb, 114 nəfər yaralanıb.