Ermənistan Naxçıvan istiqamətində də atəşkəs rejimini pozub- RƏSMİ

Ermənistan silahlı qüvvələrinin bölmələri iyulun 12-si saat 22:45-dən etibarən iyulun 13-ü saat 00:40-dək iriçaplı silahlardan da istifadə etməklə Şahbuz və Culfa rayonları istiqamətində müdafiə olunan müvqeyi atəşə tutub.

Anews.az xəbər verir ki, Ermənistanın atəşkəs rejimini pozması zamanı əsasən izburaxan və yandırıcı mərmilərdən istifadə etməsi ara boşluğunda olan 5 hektara qədər ərazinin yanması ilə nəticələnib.

Qarşı tərəf cavab atəşi ilə susdurulub.

 

Məlumatda bildirilir ki, əməliyyat şəraiti Azərbaycan qoşunlarının tam nəzarəti altındadır.