Milli Məclisin deputatı Arzu Nağıyevin Tovuz istiqamətində döyüşlərdə şəhid olan hərbi qulluqçuların sayı ilə bağlı verdiyi səhv açıqlama sosial şəbəkələrdə müzakirələrə səbəb olub.
Anews.az xəbər verir ki, deputat rəqəmlərdə yanlışlığa yol verməsiylə bağlı feysbuk hesabında açıqlama yayıb. O bildirib ki, türk media qurumlarından birinə verdiyi məlumatlarda texniki səhv olub, şəhidlərin sayı yanlış bildirilib: "Şəhidlərimizin sayı 11 olub, ötən gün isə daha 1 şəhid vermişik: 2 nəfər mülki vətəndaşımız - Ağdam kənd sakini Əzizov Əziz mərmi qəlpəsindən, "Bozqurd” Asif ürəktutmadan müharibə şəraiti ilə bağlı dünyasını dəyişib.
Allah şəhidlərimizə rəhmət eləsin, yaralılara şəfa versin. Əsas məqam odur ki, Azərbaycan Ordusu ərazidə nəzarəti tam şəkildə ələ alıb, erməni hərbçilərinin təxribatının qarşısı tam alınıb”.
Qeyd edək ki, ötən gün Göyçay sakini Aydın Rəsulov iyulun 14-də özünə məxsus sosial şəbəkə hesabında Bakı şəhərinə 20 , Göyçayın Mırtı kəndinə isə 1 şəhid olmuş əsgərimizin nəşinin gətirilməsi ilə bağlı yalan məlumat yaydığına görə məhkəmənin qərarı ilə 10 gün müddətinə inzibati qaydada həbs edilib.
www.anews.az
Foto
Video
