Bakıda bir nəfər liftin şaxtasına düşdü

Bakı şəhəri, Yasamal rayonunda bir nəfər liftin şaxtasına düşüb.

Bu barədə Fövqəladə Hallar Nazirliyinin "112” qaynar xəttinə məlumat daxil olub.

Bildirilib ki, nazirliyin Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub. Hadisə yerində əməliyyat şəraiti qiymətləndirilərkən müəyyən olunub ki, vətəndaş hündürmərtəbəli çoxmənzilli yaşayış binasının damında olarkən ehtiyatsızlıqdan binanın şaxtasına düşüb.