Türkiyədə 200-ə yaxın narkotik satıcısı saxlanıldı

Türkiyənin Antalya şəhərində keçirilən əməliyyat tədbirləri nəticəsində 200 nəfərə yaxın narkotik satıcısı nəzarətə alınıb.

Anews.az xəbər verir ki, bu barədə "NTV” telekanalı Türkiyə Polisinə istinadən məlumat verib.

Muratpaşa, Kepez və Aksu şəhər ərazilərində 2,5 min polis əməkdaşının iştirak etdiyi əməliyyat çərçivəsində eyni vaxtda 200 axtarış aparılıb.

Əməliyyatlara xüsusi təlim görmüş itlər və helikopterlər də cəlb olunub.

Axtarışlar zamanı külli miqdarda narkotik vasitə aşkarlanaraq götürülüb.



www.anews.az